用紙巾抹筷子係想對筷子乾淨

出街食飯，通常都會用紙巾抺下對筷子
目的是為了乾淨

有o的人抺一下就食，真係一下
又或者浸一浸水就食，唔係添呀，係插一插水，真係插一插
咁樣真係會乾淨？可能心理上係啦。

如果認為已經洗過，都乾淨架啦，咁唔洗抺啦。
如果認為不夠乾淨(的而且確係)，咁要抺就抺乾淨o的啦。

咁不如直頭拎去廁所洗或者自己帶食具啦~~
呢o的咪"局限條件"囉。
又或者叫"不設實際"囉。

目的︰令到認為不夠乾淨的筷子乾淨o的。
做法︰用紙巾抺筷子，甚至先用水或熱水浸一浸再抺。

當你有一個人生目標既時候，你會用咩方法去實現佢？

有人覺得抺一下就乾淨，有人要抺多幾下，
或者一定要用tempo抺，或者要用熱水浸過先抺....
這視乎個人要求、個人標準、個人價值觀。

不過有人想得到"用熱水浸完再用tempo抺"既效果，但就用"抺一下"既方法

你認為你既方法好"得"嗎？咁你只會得到"抺一下"既效果。

無標準架，亦無人要侵犯你既標準。
只想正視、提出、改善、達到目的。

第二次實習完結

要好好好好好好多謝Raymond~~~~~~~
因為佢，我先可以得到一個比預期好既成績，甚至係一個我自己都覺得唔值得有既成績。
我知佢做既野比我做既更多，為我講左好多好說話。
希望佢會有美好既將來~~~

*註︰Raymond同阿Hut真係有o的似，哈哈！

Grant Hill 加盟Suns兩年

一直都鍾意白色
兩三年前鍾意橙色
最近開始鍾意紫色
咁o岩Suns件波衫就係呢三隻色組成
加埋Grant Hill
要買嗎？
不過橙色衫我著得唔靚...
到時睇左實物先啦~~

希望加盟新球會，脫離Magic班軍醫，o的傷會有好轉啦~~~
配合Suns既打法，好期待呢位老將既表現~~~

再入院

左邊股同大腿外側無情情痛
入左院check，照x-ray，驗血
醫生話報告無問題，話可能骨膜炎，又比o的消炎止痛藥我食
食左個幾禮拜藥，係無咁痛，但係始終好似無治本咁
又唔知咩事，都唔知點醫好....
希望只係骨膜炎，好快會好~~~