旅行的意義

去旅行

唔在乎去過幾多地方

在乎能體會幾多享受幾多

人生亦如此

lego

2009年5月15日

lego成為我地屋企新成員

你要健康成長啊~~~

於心有愧

良心有愧 原來隨便錯手 可毀了人一世
立志助世人脫貧以為
便偉大到像多麼有為
這種刺猬 連誰曾待我好 都可帶來傷勢
內疚內疚內疚沒作為
直到某年某日我能安息於葬禮

2009第一目標達成

到現時為止, 我既人生, 最慶幸既一樣野, 就係有班好好既朋友~~~

非常多謝朋友們既信任, 終於夾錢成功, 3月正式開始運作~~~

籌備過程中, 感受到朋友們果份信任真係非常真, 無言感激~~~

過左一個月, 成績非常差, 我好唔開心...

不過早o的遇到困難, 早o的改善都係好事

唔好心急, 比o的耐性, 我好有信心將來會有好成績, 希望呢壇野可以長做長有

朋友話, "最難果part(夾錢)都比你做到"

無錯, "夾錢"真係可遇不可求, 可能可一不可再, 幾乎由"信任"主宰, 機會可能只得一次

真係唔知要講幾多"多謝"先夠...

朋友們, 多謝你地認同我既意念~~~

一齊為起學校而努力, 祝我地成功~~~

英文名

諗就諗左好耐, 但一直都無正式咁改個英文名
個方向係: 如果有一日o係電視, 個財經主持問, 阿xxx, 你點睇今日個市呢?
咁xxx可以叫咩名呢?
唔通叫阿Q咩?!?!

終於都入左行, 都要改返個英文名見客...
用左一晚, 結果改左... mayo
一個nba籃球員既名... 都係離唔開呢個元素...

mayo li
沒有您 (普通話)

就係因為"沒有您"... 就改左mayo
哈... 純粹搞笑...

"沒有"又好... "有"又好...
我就係鍾意呢個名~~~

2009展望

汲取2008既經驗, 知道"做到"唔難, "keep到"既技巧仲緊要...

1000萬本來係可以做到, 可惜成也目標, 敗也目標...

所以今年目標改為100萬, 目標達成左, 就唔洗追, 可以安心再部署
錢唔係一年搵得晒...

08年主要自己炒, 有時都有朋友一齊傾下, 研究下
09年另一目標, 想幫朋友炒埋一份
呢壇野搞搞得成, 就要講緣份喇

08年果一役, 本來起到學校架喇... 結果我對唔住o的小朋友...
09年要補償返, 起學校~~~~~~

當然, 09年仲有個好重要既目標, 做做到就要睇搵搵到錢喇...

我記得08年定目標果陣好輕鬆, 預左有o的野唔係即刻話做到就做到...
今年好明顯壓力大左...

2008回顧

2008第一目標, 當然係做唔到啦... 做到係奇蹟唻架...
不過曾經o係三月同十月分別做出兩個禮拜100倍利潤戰績...
亦曾經到過七位數... 都算超級超級勁架喇~~~
七位數... 我會記得呢一課...

同女朋友搬左出唻住, so far都幾溫馨~~~
穩定發展既目標 --- 達到~~~

試過兩次o係網上搵人組隊打波, 都keep唔到, 最終都係散band...
不過都好enjoy, 希望佢地都會繼續打波~~~

oosh hea爆囉... 唔該... 團火細左唔緊要... 太細就唔好玩架喇... enjoy oosh~~~

比較2007同2008, 感覺2007好似重要o的...
可能因為2007辛苦好多... 同埋畢業始終係我多年夢想...
相反錢一向都唔係我目標... 仲要達唔到target...
成年好快就過左... 唔多唔少有o的失望...
anyway, 係一年完整既過度年...